Rusiya tərəfindən dəstəklənən aktyorlar ABŞ hərbçilərinə və ya obyektlərinə qarşı təxribat törədə biləcəyinə dair məlumatlara görə, ABŞ-ın Avropadakı hərbi bazaları keçən həftə yüksək hazırlıq vəziyyətinə gətirilib...
Poliqon xəbər verir ki, bu barədə CNN telekanalı bir neçə mənbəyə istinadən məlumat yayıb.
CNN mənbələrinə görə, ABŞ kəşfiyyatı Rusiyanın “ABŞ bazalarını və hərbi personalını proxy hücumlar üçün variant kimi nəzərdən keçirdiyini” aşkar edib. Bu məlumat ABŞ hərbi komandanlığını əlavə protokollar tətbiq etməyə və müdafiə səviyyəsini ikinci səviyyəyə qaldırmağa məcbur etdi.
CNN iyunun 30-da ABŞ-ın Avropadakı hərbi bazalarının yüksək hazırlıq vəziyyətinə gətirildiyini bildirib. Xüsusilə, Almaniyanın Ştutqart şəhərindəki Amerika bazasında döyüş hazırlığı “Çarli” səviyyəsinə qaldırılıb (mümkün hücum və ya terror aktı ilə bağlı kəşfiyyat məlumatı olduqda istifadə olunur).
Bazada Silahlı Qüvvələrin Avropa Komandanlığının qərargahı yerləşir. Telekanalın məlumatına görə, ABŞ-ın Avropadakı hərbçiləri ən azı 10 ildir ki, bu səviyyədə təhlükələrlə üzləşməyib.
Bu məlumatı şərh edən ABŞ-ın Avropa Komandanlığının sözçüsü Den Day deyib ki, səlahiyyətlilər Amerika hərbçilərinin xaricdəki təhlükəsizliyinə təsir edən bir çox amilləri davamlı olaraq qiymətləndirirlər və tez-tez əlavə tədbirlər görürlər.
Poliqon.info
Digərxəbərlər
Populyar xəbərlər
