Böyük Yeddilər qrupunun liderləri İsraildən İranın hücumundan sonra eskalasiyaya doğru addım atmamağı xahiş edəcəklər...
Yeddilik Qrupu (Böyük Yeddilik) ölkələrinin liderləri İranın hücumuna cavab olaraq İsraildən eskalator addımlar atmamasını özəl şəkildə xahiş edəcəkləri barədə razılığa gəliblər.
Poliqon xəbər verir ki, bu barədə “Axios” mənbəyə istinadən məlumat yayıb. Portalın mənbələrininsözlərinə görə, G7 liderləri İsrailin münaqişənin genişlənməsinə səbəb olacaq mümkün cavabından narahat olublar.
“Bütün G7 ölkələrinin İsrailə münaqişəni gərginləşdirə biləcək addımlar atmamağı özəl şəkildə bildirməsi qərara alınıb”, deyə mənbə “Axios”a deyib.
Qeyd edək ki. Wall Street Journal nəşri (WSJ) ABŞ və digər Qərb ölkələrinin rəsmilərinə istinadən yazıb ki, İsrail İranın hücumuna aprelin 15-i bazar ertəsi cavab verə bilər.
Xatırladaq ki, aprelin 13-ü axşam saatlarında İran İsrailə doğru yüzlərlə kamikadze pilotsuz təyyarə və raket atıb. Hücum təxminən beş saat davam edib. İsrail ona doğru atılan raket və pilotsuz təyyarələrin 99%-ni vurduğunu bəyan edib. Buna baxmayaraq, İran tərəfi yəhudi dövləti ərazisində bir sıra hərbi obyektlərin vurduğunu bildirib.
Poliqon.info