Venesuela rəhbəri Nikolas Maduro bildirib ki, ABŞ rəsmiləri Qətərdəki danışıqlardan sonra iki ölkənin əldə etdiyi gizli razılaşmaların heç birini həyata keçirməyib...
Poliqon xəbər verir ki, Maduro bu barədə Venesuela televiziyasının efirindı danışıb. Venesuela prezidenti ABŞ-ın sanksiyaları yumşaltmaq vədlərini “böyük yalan” adlandırıb.
Maduro sözünün üstündə durduğu üçün Vaşinqtonla gizli razılaşmaların təfərrüatlarını açıqlamayacağını vurğulayıb. Venesuela rəhbəri əlavə edib ki, sazişlər doqquz raund danışıqlardan sonra bağlanıb.
“Onlar heç nə etmədilər, heç nə! Yalan danışdılar, aldatdılar, aldatdılar!” deyə Maduro vurğulayıb və əlavə edib ki, Birləşmiş Ştatlar nəinki sanksiya təzyiqlərini yumşaltmayıb, əksinə, yeni sanksiyalar tətbiq edəcəyinə söz verib.
Qeyd edək ki, 2023-cü ilin sonunda Qətərdə aparılan danışıqlardan sonra Vaşinqton və Karakas Venesuelada həbsdə olan on amerikalı və 20 Venesuelalı siyasi məhbusu azad etməyə razılaşıb. Venesuela həmçinin ABŞ-dan qaçan və ABŞ-da korrupsiya ittihamı ilə üzləşən Leonard Frensisin ekstradisiyasına razılıq verib.
ABŞ prezidenti Co Bayden, Karakas üçün çirkli pulların yuyulması ilə bağlı ABŞ-da məhkəməni gözləyən Maduronun yaxın müttəfiqi Aleks Saabı əfv etmək sözünü verib.
Maduro həmçinin Meksikanın Ekvadordakı səfirliyinin ələ keçirilməsinin ABŞ-ın razılığı ilə həyata keçirildiyini bildirib.
Poliqon.info
Digərxəbərlər
Populyar xəbərlər
