NATO-nun Avropadakı Müttəfiq Qüvvələrinin baş komandanı Kristofer Kavoli bildirib ki, alyansa üzv olan ölkələr Rusiya ilə müharibə istəmirlər...
Poliqon xəbər verir ki, bu barədə Kavoli Vaşinqtondakı Corctaun Universitetində çıxışı zamanı bildriib. Onun sözlərinə görə, müdafiə alyansı kimi NATO-nun əsas vəzifəsi belə bir hərbi münaqişənin qarşısını almaqdır.
“NATO ölkələri bizim Rusiya ilə müharibə etdiyimizə inanmır. Biz isə bunu istəmirik”, deyə Kavoli çıxışında vurğulayıb.
Kristofer Kavoli qeyd edib ki, NATO ölkələri Ukraynanı məhz hərbi münaqişəni cilovlamaq üçün dəstəkləyir.
“Alyans səviyyəsində biz münaqişə tərəfi kimi görünə biləcəyimiz mövqe tutmamağa qərar verdik”, deyə NATO-nun Avropadakı Müttəfiq Qüvvələrinin baş komandanı əlavə edib.
Poliqon.info