Mask Ukraynanın NATO-ya daxil olması ideyasını nüvə apokalipsisi adlandırıb

Poliqon xəbər verir ki, milyarder bu barədə X sosial şəbəkəsində yazıb.

“Bu, sözün əsl mənasında, nüvə apokalipsisi haqqında filmin başlanğıcıdır”, deyə Mask X-də ABŞ Dövlət Katibi Entoni Blinken və Ukraynanın xarici işlər naziri Dmitri Kulebanın nitqinin videosunun altında yazıb. Qeyd edək ki, Blinken NATO-nun 75 illik yubilyey tədbirindəki çıxışında “Ukraynanın NATO-ya üzv olacağını” bildirib.

Mask öz şərhinə SSRİ ilə ABŞ arasında uydurma nüvə müharibəsinin kadrları ilə “The Day After” (1983) bədii filmindən bir parçanın linkini əlavə edib.

Qeyd edək ki, 2022-ci ilin sentyabrında Ukrayna sürətləndirilmiş əsaslarla NATO-ya daxil olmaq üçün ərizə təqdim etdi və alyansın 2023-cü ilin iyulunda Vilnüsdə keçirilən sammitində “lazımi şərtlər yerinə yetirildikdə” qəbul ediləcəyi ilə bağlı təminat alıb. Lakin Ukrayananın NATO-ya qəbul edəiləcəyi tarix açıqlanmayıb.

Poliqon.info