“Erməni xəstəliyi”nin qaynağı, məkr yuvası Erməni Apostol kilsəsi yenə də aranı qızışdırmağa, ermənilərini tarixi viruslarına yoluxdurmağa davam edir...
“Həyat göstərir ki, “bir qarış da torpaq” yanaşması maksimalizm deyil, zərurət imiş, mən də bu prinsipə əməl edirəm”.
Poliqon xəbər verir ki, bu sözləri Erməni Apostol Kilsəsinin Şirak yeparxiyasının rəhbəri, arxiyepiskop Mikael Ajapayan Ermənistan portalı News.am-ın müxbiri ilə söhbətində deyib.
“Türklər qərar verdikdə Ermənistan ərazilərinin təslim edilməsi mərhələsi dayanacaq. Amma türklər dayanmayacaq, çünki onlar ermənilərdən fərqli olaraq “bir qarış torpaq verilə bilməz” prinsipinə əməl edirlər.
İndiki hakimiyyət bir vaxtlar bu yanaşmaya riayət edən erməniləri məsxərəyə qoyub. Yaxşı olar ki, indi də “bir qarış torpaq da verilməməlidir” prinsipinə əməl edən azərbaycanlıları ələ salmağa çalışsınlar.
Ermənilər hələ də başa düşməyiblər ki, əgər qonşunuz bu yanaşmaya əməl edirsə, deməli, siz də buna əməl etməyə məcbursunuz.
Sizi məhv etmək istəyən qonşularla sülh mümkündürmü? Hakimiyyət buna inanırsa, qoy ərazi baxımından bizdən böyük olan bir ölkəni bu dörd kəndi verməyə çağırsınlar.
Sülh ancaq güclü olsan olar, əks halda sülh mümkün deyil”, deyə din xadimi qeyd edib.
Ajapayan əmindir ki, 2020-ci il müharibəsi zamanı “Azərbaycanın dişlərini sındırmaq imkanı olub ki, daha 30 il təcavüzü unutsun.
“Erməni xalqının belə imkanları var idi, lakin hakimiyyət hər şeydən əl çəkdi”, deyə Mikael Ajapayan fikrini yekunlaşdırıb.
Həmçinin erməni kilsə xadimi Paşinyan hakimiyyətinin silahlı yolla devrilməsi üçün bu ölkənin silahlı qüvvələrinə müraciət edib.
Poliqon.info
Digərxəbərlər
Populyar xəbərlər
