Heç vaxt belə bir şey olmayıb: Afrikada bir gündə minlərlə isti rekordu qırılıb

Poliqon xəbər verir ki, bu barədə The Watchers nəşri yazıb.

Nəşrin məlumatına görə, fövqəladə isti hava dalğası martın 11-də Afrikada çoxsaylı temperatur rekordlarının qeydə alınması ilə nəticələnib. Kamerundan tutmuş Mavrikiyə qədər olan ölkələr mart ayında görünməmiş istilərlə üzləşib.

"Şimaldan cənuba və qərbdən şərqə demək olar ki, hər ölkədə rekordlar qırılıb. İqlim tarixində dünyanın heç bir yerində belə bir şey olmayıb", deyə klimatoloq və meteoroloji tarixçi Maksimiliano Herrera bildirib.

Onun sözlərinə görə, bu, iqlim tarixinin ən qeyri-adi hadisəsidir: "Bu gün baş verənlər nəsillərin yaddaşında qalacaq. Dünya iqlim tarixində heç bir hadisə belə buna yaxın deyil".

Kamerunda təəccüblü +45,5 °C temperatur qeydə alınıb - bu, mart ayının ən isti günü üçün yeni milli rekorddur. Qanada temperatur +43,8 °C-ə çatıb ki, bu da mart ayı üçün milli rekorda çevrilib.

Nigerdə ​​demək olar ki, bütün monitorinq stansiyalarında aylıq rekordlar qırılıb: temperatur +45 °C-ə yüksəlib. Burkina Fasoda da ölkə daxilində aylıq ən yüksək göstəriciləri qeyd edib.

Mali tarixində ən isti gününü qeyd eüdib, Bugunidə temperatur +44°C-ə çatıb. Komor adaları isə +36.1°C temperaturla rekord dərəcədə ən isti gününü qeyd edib.

Maksimiliano Herrera Cənubi Afrika, Namibiya və Botsvanada da yüzlərlə rekordun qırıldığını deyib.

Poliqon.info