Tramp “Oskar”ı siyasi səbəblərə görə tənqid edib

Poliqon xəbər verir ki, sabiq prezident bu barədə fikirlərini “Truth Social” sosial şəbəkəsində bildirib.

“Bu gecə həqiqətən pis siyasi korrektli şou göstərildi və bu illərdir davam edir. Bu şou qeyri-adekvat, darıxdırıcı və çox ədalətsiz idi”, deyə Tramp sosial şəbəkədə yazıb.

Qeyd edək ki, ötən axşam keçirilən “Oskar” Akademiyasının mükafat gecəsində Kristofer Nolanın “Oppenheimer” (2023) filmi “Ən yaxşı film” nominasiyasına layiq görülüb.

Amerikalı Emma Stoun “Poor Things” (2023) filmindəki roluna görə “Ən yaxşı aktrisa” nominasiyasında qalib elan olunub.

İrlandiyalı Sillian Merfi Kristofer Nolanın “Oppenheimer” filmindəki roluna görə “Ən yaxşı aktyor” nominasiyasında “Oskar” alıb.

Poliqon.info