Bu gün aparıcı Alidə Mustafayeva və Ağstafa Rayon İcra Hakimiyyətinin Başçısı Seymur Orucovun toyudur...
Bakıdakı restoranlardan birində keçirilən toyda sənət adamları da iştirak edir.
Toy mərasimindən aktyor Nicat Rəhimov paylaşımlar edib. O, aparıcı Tural Əsədov, müğənni Elçin Cəfərov, aktyorlar Elşən Orucov və İlkin Həsəni ilə əyləşdiyi masadan videonu sosial media hesabında paylaşıb.
Həmin görüntüləri təqdim edirik:
***
Xəbər verdiyimiz kimi, Ağstafa rayon İcra Hakimiyyətinin başçısı Seymur Orucov ikinci dəfə ailə həyatı qurur.
40 yaşlı icra başçısı Alidə Mustafayeva adlı teleaparıcı ilə izdivaca girir. Cütlüyün toyu bu gün Bakıdakı dəbdəbəli restoranların birində baş tutacaq.
Poliqon bildirir ki, yenisabah.az-ın əldə etdiyi məlumata görə, mərasimdə məhdud sayda qonağın iştirakı nəzərdə tutulub. Bəylə gəlini təbrik etməyə gələnlərin böyük əksəriyyəti qız evinin adamları olacaq. Bəy tərəfdən çox az sayda qonağın iştirakı gözlənilir. Seymur Orucov toya heç bir icra başçısını dəvət etməyib. Hətta rəhbərlik etdiyi rayonun vəzifəli şəxslərinin də toyda iştirakı məqbul görülməyib. Bəy tərəfdən toyda 5-6 yaxın qohumun və 3-4 dostun iştirak edəcəyi bildirilir.
Poliqon.info