Corcia Meloni G7 sammitini Kiyevdə keçirmək istəyir

G7 sammitinə sədrlik edəcək İtaliyanın baş naziri Corcia Meloni bu tədbiri Ukrayna səfəri ilə birləşdirə bilər.

Poliqon xəbər verir ki, bu barədə yerli La Repubblica qəzeti məlumat yayıb.

G7-yə üzv ölkələrin nümayəndələrinin görüşü fevralın 24-nə planlaşdırılır. Assosiasiyaya üzv dövlətlərin saat qurşaqları fərqi nəzərə alınaraq tədbir günorta saatlarına təyin edilib. Eyni zamanda, İtaliya hökumətinin başçısı fevralın 22-də yayımlanan tok-şou zamanı videokonfrans vasitəsilə sammitdə iştirakını istisna etməyib.

"Görəcəyik", deyə baş nazir bu barədə suala cavab olaraq bildirib.

Jurnalistlər görüşün əsas mövzusunun Ukraynadakı münaqişə olacağına aydınlıq gətiriblər. Bundan başqa, tədbirin təşkilatçıları ölkə prezidenti Volodimir Zelenskinin G7 liderləri ilə danışmağı planlaşdırdığını açıqlayıblar.

Meloninin fikrincə, Qərb dövlətləri Ukrayna böhranından yorğunluq nümayiş etdirə bilməz.

Nəşrin İtaliyanın diplomatik dairələrindəki mənbələri baş nazirin G7 sammitini Ukraynanın paytaxtından keçirmək niyyətini təsdiqləyib. Nəşr yazır ki, təhlükəsizlik baxımından Roma hökumət başçısının Kiyevə səfərini əvvəlcədən elan edilməyəcək.

Poliqon.info