ABŞ prezidenti Co Baydenin İsrailin baş naziri Benyamin Netanyahu haqqında nalayiq ifadələr işlətməsi barədə xəbər yayılıb...
Poliqon xəbər verir ki, bu barədə Politico qəzeti yazıb.
Nəşrə görə, Bayden administrasiyadakı hər kəs kimi Netanyahudan şübhələnir. Qəzet Baydenlə danışan mənbələrə istinadən yazır:
"O, özəl olaraq İsrailin Baş nazirini "lənətə gəlmiş pis adam" adlandırıb".
Lakin Ağ Ev bunu təkzib edib. Ağ Evin sözçüsü Endryu Beyts nəşrə bildirib ki, ABŞ prezidenti belə bir söz deməyib və heç vaxt da deməz. Beyts əlavə edib ki, liderlər arasında hörmətli münasibət var və belə davam edəcək.
Poliqon.info