Türkiyə hələlik Qərbin Ukrayna müharibəsinə görə Rusiya ilə sülh danışıqlarına hazır olduğunu görmür və buna görə də hesab edir ki, çıxılmaz vəziyyət yarana bilər...
Poliqon xəbər verir ki, bu barədə "RİA Novosti" Agentliyi Türkiyədəki diplomatik mənbəyə istinadən məlumat yayıb.
"Təəssüf ki, biz hələ də Qərb tərəfdaşlarının nizamlanmaya hazır olduğunu görmürük. Mövcud vəziyyət dalana dirənmək riski daşıyır. Cənab prezident dəfələrlə bildirib ki, sülh prosesində uduzan olmayacaq. Biz münaqişənin həll olunacağı ümidi ilə vasitəçilik səylərimizi davam etdiririk", deyə mənbə bildirib.
Ankara hesab edir ki, İstanbul prosesi çərçivəsində danışıqların bərpası atəşin dayandırılmasına kömək etməlidir, lakin hazırda münaqişə tərəflərindən heç biri buna hazır deyil.
Bundan əvvəl "RİA Novosti"nin Moskvadakı diplomatik mənbəsi bildirmişdi ki, Ukraynadakı münaqişə ilə bağlı danışıqlar baş tutsa, Ukrayna lideri Volodimir Zelenskinin formulu əsasında deyil, Moskva ilə Kiyev arasındakı mövcud vəziyyətə əsaslanaraq aparılacaq.
Qeyd edək ki, bundan əvvəl Türkiyə prezidenti Rəcəb Tayyib Ərdoğan yenidən Rusiya və Ukraynaya vasitəçilik təklif edib, İstanbul prsesinin bərpa olunmasını və taxıl dəhlizinin açılmasını istəyib.
Poliqon.info
Digərxəbərlər
Populyar xəbərlər
