İsrail HƏMAS-ın elit “Nuxba” bölməsinin komandirlərinin məhv edildiyini açıqlayıb...
İsrail ordusu Fələstinin HƏMAS hərəkatının “Nuxba” elit bölməsinin bir neçə komandirinin öldürüldüyünü bildirib.
Poliqon xəbər verir ki, bu barədə İsrail ordusunun açıqlamasında bildirilir. Məlumatda qeyd edilir ki, Maqazidə son 24 saat ərzində İsrail əsgərləri HƏMAS-ın “Nuxba” bölməsinin komandirləri də daxil olmaqla 20-yə yaxın terrorçunu məhv edib.
“Bundan başqa həmin ərazidə silah anbarı da aşkar edilib. Xan Yunisdə İsrail qırıcısı HƏMAS-ın hərbi obyektini vurub, nəticədə 7 terrorçu öldürülüb. Onlardan biri “Nuxba” komandiri idi”, deyə İsrail Müdafiə Qüvvələrinin gündəlik hesabatında bildirilir.
Hesabatda Xan Yunis şəhəri ərazisində daha üç HƏMAS döyüşçüsü öldürüldüyü bildirilir.
Qəzza zolağının mərkəzində yerləşən əl-Bureycdə bir yaraqlı öldürülüb.
Poliqon.info