Qərb Ukraynanı NATO üzvlüyündən imtina etməyə çağırır

Poliqon xəbər verir ki, bu barədə Ukraynanın ABŞ-dakı keçmiş səfiri Valeri Çalıy bildirib. Diplomat bu barədə "Pryamoy" telekanalında danışıb.

Valeri Çalıyın sözlərinə görə, mənfi mesajlar ABŞ və Almaniyadan gəlir. Gələn il Vaşinqtonda keçiriləcək NATO-nun yubiley sammitində Ukrayna rəhbərliyinə Şimali Atlantika Alyansına üzvlük üçün müraciət etməməyə çağırılır.

Qeyd edək ki, noyabrın 29-da NATO-nun baş katibi Yens Stoltenberq Ukrayna-NATO Şurasının iclasından sonra keçirilən mətbuat konfransında hərbi blok və Kiyevin 2024-cü il üçün əməkdaşlıq proqramını qəbul etdiyini, bu proqrama enerji təhlükəsizliyi və Ukrayna ordusunun təlimini də daxil etdiyini açıqlayıb.

Ukraynanın xarici işlər naziri Dmitri Kuleba Kiyevin NATO-ya daxil olmaq üçün hansı şərtləri yerinə yetirməli olduğunu başa düşmədiyini bildirib.

Bundan əvvəl dəfələrlə bildirilib ki, münaqişə davam etdiyi müddətdə Ukraynanın NATO-ya üzvlüyü mümkün deyil. Bu, birbaşa NATO-Rusiya savaşına səbəb ola bilər. Belə olan halda Kiyevin Şimali Atlantika Alyansına üzvlüyü müharibə başa çatdıqdan sonra mümkün ola bilər.

Poliqon.info