Əgər Yaponiya ABŞ-ı "Patriot" hava hücumundan müdafiə sistemi üçün sursatla təmin edərsə, ABŞ Ukraynaya hava hücumundan müdafiə sistemlərinin tədarük həcmini artıra bilər...
Poliqon xəbər verir ki, bu barədə The Washington Post qəzeti məlumat yayıb.
Xəbərdə bildirilir ki, Tokio bu həftə silah ixracı qaydalarını yumşaldacaq. Bu da ABŞ-a "Patriot" üçün onlarla raket göndərməyə imkan verəcək.
Hadisələrin bu cür inkişafı Vaşinqtonun ehtiyatlarını artıracaq və Birləşmiş Ştatlara Ukraynaya daha çox ən son hava hücumundan müdafiə sistemləri göndərmək imkanı verəcək.
Eyni zamanda qeyd edilir ki, Yaponiya silahları birbaşa Ukraynaya ötürməyəcək, bunun əvəzinə ehtiyatları artırmaq üçün ilk olaraq ABŞ-a hava hücumundan müdafiə sistemləri göndərmək variantı nəzərdən keçirilir.
WP-nin mənbəsinin məlumatına görə, Yaponiya tezliklə ABŞ-a nə qədər raket ötürə biləcəyinə qərar verəcək.
Poliqon.info
Digərxəbərlər
Populyar xəbərlər
