Cümə axşamı, 02 May 2024
USD : 1.7
EUR : 1.8724
Hava
+25 ° Baku
+18 ° Quba
+17 ° Qusar
+22 ° Gəncə
+27 ° Lənkəran
+32 ° Naxçıvan
+30 ° Salyan
+19 ° Şəki

Qızıl kurqanlarında gizli qazıntı apardığı iddia olunan iş adamının şirkəti Kəlbəcərdə sökünti aparacaq - Tender

Məcburi Köçkünlərin Sosial İnkişaf Fondu sifarişçi olduğu növbəti satınalmaya yekun vurub...

AzFakt.com xəbər verir ki, Fondun 2023-cü ilin dekabr ayının 11-də "Kəlbəcər rayonunun 855 ailəlik (birinci mərhələdə -547 ailəlik) Zar kənd yaşayış məntəqəsinin salınması ilə əlaqədar mövcud dağılmış, sökülmüş yaşayış binalarının və digər tikililərin söküntü işləri" lotu üzrə keçirdiyi satınalmanın məbləği 353.581 manat təşkil edib.

Məcburi Köçkünlərin Sosial İnkişaf Fondu eyni gündə daha bir satınalmaya yekun vurub. "Kəlbəcər rayonu 421 ailəlik (birinci mərhələdə -218 ailəlik) Yanşaq kənd yaşayış məntəqəsinin salınması ilə əlaqədar mövcud dağılmış, sökülmüş yaşayış binalarının və digər tikililərin söküntü işləri" lotu üzrə keçirilən satınalmanın məbləği 900.050 manat olub.

Fond hər iki satınalmada "AMAZONE" Məhdud Məsuliyyətli Cəmiyyətini (VÖEN: 1402350191) qalib elan edib.

"AMAZONE" MMC Məcburi Köçkünlərin Sosial İnkişaf Fonduna yad təşkilat deyil. Fond ilə şirkət arasında bundan əvvəl daha bir satınalma müqaviləsi imzalanıb. Bir həftə öncə - 2023-cü ilin dekabr ayının 6-da Fondun "Kəlbəcər rayonu 421 ailəlik (birinci mərhələdə -218 ailəlik) Yanşaq kənd yaşayış məntəqəsinin salınması ilə əlaqədar mövcud dağılmış, sökülmüş yaşayış binalarının və digər tikililərin söküntü işləri" lotu üzrə keçiridyi smetası 189.702 manat olan satınalmada da "AMAZONE" MMC qalib elan edilib.

"AMAZONE" Məhdud Məsuliyyətli Cəmiyyəti 2012-ci ilin oktyabr ayının 4-də təsis edilib. Şirkətin hüquqi ünvanı Nərimanov rayonu, Həsən Əliyev ev 82 "c" ünvanıdır. Şirkətin qanuni təmsilçisi Şükürov Əbülfət Tapdıq oğludur.

"AMAZONE" Məhdud Məsuliyyətli Cəmiyyəti 2012-ci ildə qeydiyyata alınarkən qanuni təmsilçisi Məmmədov Anar İlyaz oğlu olub.

Hazırda Milli Məclisin 96 saylı Goranboy-Naftalan Seçki Dairəsindən deputatı olan Anar Məmmədov ölkənin qalmaqallı tikinti maqnatlarından olan Qulam Ələkbərovun kürəkənidir.

Sabiq Nəqliyyat naziri Ziya Məmmədovla yaxın dostluq və ortaqlıq münasibətləri olan Qulam Ələkbərovun nəzarətindəki çoxsaylı tikinti şirkətləri vaxtilə ölkədə ən böyük tikinti işlərini görüb.

Xatırladaq ki, Qulam Ələkbərovun adı 2016-cı ildə ölkə mediasının gündəminə gəlmişdi. O vaxt mediada yayılan məlumatlarda Qulam Ələkbərovun qardaşı Goranboy Yol İdarəsinin rəis müavini Misir Ələkbərovun rayonunun Tapqaraqoyunlu kəndində "Qızıl kurqan" deyilən ərazidə qanunsuz qazıntı işləri apardığı, buna görə də Dövlət Təhlükəsizlik Xidmətinin ərazidə əməliyyat keçirdiyi bildirilirdi. Mediada tirajlanan yazılarda o zaman qızıl kurqanında aparılan qazıntının arxasında Ziya Məmmədovla Qulam Ələkbərovun dayandığı iddia edilirdi.

"AMAZONE" Məhdud Məsuliyyətli Cəmiyyətinin Qulam Ələkbərova aid olduğu bildirilir.

Poliqon.info




Digərxəbərlər

General Mövlam Şıxəliyevin 2 milyondan çox əmlakı özünə qaytarıldı - Siyahı

Putinin ilhaq və səfərbərlik qərarı - Bundan sonra müharibənin taleyində hansı faktorlar əsas rol oynayacaq?

Populyar xəbərlər

Nikoldan delimitasiya açıqlaması: Tez olmalıdır, yoxsa...

İran dövlət radio və televiziyasının Azərbaycanda ofisi bağlandı - Foto

Heyətində vaxtilə ulduz futbolçular olan məşhur klub İtaliya A Seriyasına qayıtdı

Azərbaycanda sabiq nazir hər ay mənimsədiyi pulların miqdarını açıqladı

MSK Ramin Məmmədovun deputat səlahiyyətlərinə xitam verib - Yenilənib

Gürcüstanda polis etirazçılara rezin güllədən istifadə edib, yaralananlar var - Yenilənib

Prezidentin sərəncamı 3000-ə yaxın şəxsə şamil olunacaq

Ağcabədidə qadın qətlə yetirilib, qaynı saxlanılıb - Yenilənib

Türkiyənin bütün bölgələrində Azərbaycan Mədəniyyət Günləri keçiriləcək

66 konqresmen Azərbaycana qarşı sanksiyalar tətbiq etmək təklifi ilə çıxış edib...

Ən çox oxunanalar