Genişmiqyaslı müharibənin başlanğıcında Amerika Birləşmiş Ştatları öz vətəndaşlarını Ukraynadan təxliyə etməyə hazırlaşırdı, çünki onlar əmin idilər ki, Kiyev üç gün ərzində çökəcək...
Poliqon xəbər verir ki, bu barədə polşalı jurnalist Zbiqnev Parafyanoviç “Polska na wojnie” (Polşa müharibədə) kitabında yazıb.
Müəllifin məlumatlarına görə, Ağ Ev Ukraynanın bütün siyasi elitası və isteblişmenti daxil olmaqla 40 min insanı ölkədən çıxarmaq niyyətində olub.
Co Baydenin milli təhlükəsizlik üzrə müşaviri Ceyk Sullivan Ukraynanın şanslarına çox şübhə ilə yanaşıb. Bu səbəbdən o, Polşa prezidentinin Beynəlxalq Siyasət Departamentinin rəhbəri Yakub Kumoçla mübahisə edib.
Jurnalist yazır ki, bu şübhələrə görə, dövlətlər Ukraynaya ağır texnika, daha sonra isə döyüş təyyarələri vermək istəməyiblər. T72 tanklarının təhvil verilməsi yalnız Bayden və Anjey Dudanın görüşündən sonra razılaşdırılıb.
Poliqon.info