Ukrayna nümayəndə heyəti noyabrın 13-14-də ABŞ-a səfəri zamanı əlavə dəstək vədləri alıb. Baxmayaraq ki, bu sahədə Konqresdə qanunvericilik prosesi ilə bağlı suallar qalmaqdadır...
Poliqon “Ukrinform” nəşrinə istinadən xəbər verir ki, bunu Ukrayna prezidentin ofisinin rəhbəri Andrey Yermak deyib.
Onun sözlərinə görə, Ukrayna nümayəndə heyəti ölkəyə güclü hisslə qayıdır. Çünki ABŞ Ukraynanın dostu kimi qalır və onun qələbəsinə inanır.
Yermak qeyd edib ki, ABŞ-a səfəri zamanı Ukraynaya həm hərbi, həm də birbaşa büdcə dəstəyinin davam etdirilməsi, həmçinin Rusiyaya qarşı yeni sanksiyalar müzakirə edilib. O, bildirib ki, konqresmenlər və digər siyasətçilər ilə görüşündə Ukrayna ilə bağlı bu ilin sonuna və 2024-cü ilə qədər fəaliyyət planını təqdim edib.
Yermak əlavə edib ki, 2024-cü il Ukrayna Silahlı Qüvvələri üçün həlledici olacaq. O, Qərb ölkələrindən Ukraynanı dəstəkləməyə davam etməyi, Rusiyaya qarşı daha çox sanksiyalar tətbiq etməyi, həmçinin qış ərəfəsində enerji infrastrukturuna mümkün hücumlara görə hava hücumundan müdafiə sistemini gücləndirməyə kömək etməyi xahiş edib.
Poliqon.info
Digərxəbərlər
Populyar xəbərlər
