Kanadanın xarici işlər naziri Melani Coli bildirib ki, Kanada Hindistandan 41 diplomatı onların təhlükəsizliyinə təhdidlərə görə geri çağırıb...
Poliqon xəbər verir ki, bu barədə Associated Press Agentliyinin məlumatında bildirilir.
Qeyd edək ki, oktyabrın əvvəlində Hindistan hakimiyyəti onların diplomatik toxunulmazlıqlarını ləğv etməklə hədələyib. Ölkədə 21 kanadalı diplomat qalacaq.
“Qırx bir kanadalı diplomat və onların 42 ailə üzvü hər gün toxunulmazlıqlarını itirmək riski altında idi ki, bu da onların şəxsi təhlükəsizliyini riskə atardı. Diplomatlarımız və onların ailələri artıq Kanadaya qayıdıblar”, deyə nazir bildirib.
Melani Coli qeyd edib ki, diplomatik toxunulmazlıqdan məhrumetmə görünməmişbeynəlxalq hüquqa zidd addımdır. Bu səbəbdən, xanım Coli bildirib ki, Kanada Hindistan diplomatlarına qarşı oxşar tədbirlər görməyəcək.
“Diplomatik imtiyazların və immunitetlərin birtərəfli qaydada ləğvi beynəlxalq hüquqa ziddir və Diplomatik Münasibətlər haqqında Cenevrə Konvensiyasının açıq şəkildə pozulmasıdır. Bununla bağlı təhdidlər əsaslı deyil və eskalasiyaya gətirib çıxarır”, deyə nazir əlavə edib.
Xatırladaq ki, sentyabr ayında Kanadanın Baş naziri Castin Trüdonun Kanadada sikx icmasının liderlərindən birinin qətlində Hindistan kəşfiyyat xidmətlərinin əli ola biləcəyini açıqlamasından sonra iki ölkə arasında münasibətlər pisləşib. Kanada Xarici İşlər Nazirliyi yüksək rütbəli hind diplomatının ölkədən qovulduğunu elan edib və Hindistan buna cavab olaraq kanadalı diplomatı ölkədən çıxarıb.
Poliqon.info