Bu yaxınlarda ölkənin yeni koalisiya hökumətinə qoşulan İsrailin keçmiş müdafiə naziri Benni Qants hesab edir ki, Fələstinin HƏMAS hərəkatına qarşı müharibə aylarla uzanacaq...
Qants İsrailin döyüşlərdən sonra dağıntıları bərpa etməsi illər çəkə biləcəyini də deyib.
Poliqon xəbər verir ki, İsrailli siyasətçi bu barədə The Times of Israel nəşrinə müsahibəsində danışıb.
“Bu, çox vaxt aparacaq. Cənubda, lazım gələrsə, şimalda və ya başqa yerlərdə müharibə aylarla çəkə bilər. Bərpa illərlə davam edəcək”, Qants bildirib.
Sabiq müdafiə naziri İsrail ordusunun HƏMAS üzərində qələbəsinə əminliyini ifadə edib, lakin hərbçiləri “uzun və çətin müharibəyə” hazırlaşmağa çağırıb.
Benni Qantsın fikrincə, İsrail xalqı başa düşməlidir ki, yaxın gələcəkdə onlar qaçılmaz olaraq müharibə şəraitində yaşamalı olacaqlar.
Poliqon.info
Digərxəbərlər
Populyar xəbərlər
