"Çoxdandır partiyaların birgə siyasi bəyanatlarına REAL qoşulmur. Bundan sonra da qoşulmayacaq. 44 günlük müharibə zamanı və bir müddət sonra hələ vacib idi. Sonra dayandırdıq. Hətta AzTV-nin buna görə bizə vurmadığı damğa qalmadı. Bugünkü təbrik isə, Xankəndidə bayrağımızın ucaldılması münasibətilə ən düzgün ünvana - Prezident İlham Əliyevə - göndərilən təbrik idi. Siyasət sənədi yox, məhz təbrik. Təşəbbüskar tərəf onun mətnini sonra hansı keyfiyyətdə yazıbsa - bu artıq onun öz seçimidir. Bizə təklif olunan təbrik idi. Təbrikdə varıq".
Pravda.az-ın xəbərinə görə, bunu REAL Partiyasının sədri İlqar Məmmədov bildirib.
"REAL partiyasının səmimiyyətlə qoşulduğu, mətnə önəm vermədən imzalanmasını mümkün saydığı sonuncu birgə mətn bugünkü idi. Ölkəmizin qarşısında yeni səhifə açılır. Bu səhifədə heç bir ifadə bizə işğal mövzusunun kölgəsində görünməyəcək, çünki daha Qarabağ boyda dərdimiz yoxdur", - İ.Məmmədov qeyd edib.
Poliqon.info