Bu gün Gəncə şəhəri, Şəmkir və Goranboy rayonlarının bəzi yerlərində güclü külək səbəbindən elektrik enerjisinin verilişində yaranan fasilələr artıq aradan qaldırılıb...
Bu barədə Poliqon-a "Azərişıq" ASC-nin mətbuat ximdətindən bildirilib.
Açıqlamada deyilir ki, hazırda ölkə ərazisində dayanıqlı və keyfiyyətli elektrik enerjisi təchizatı üçün qurum əməkdaşları gücləndirilmiş iş rejimində çalışır:
“Abonentlərdən xahiş edirik ki, qarşılaşdıqları kəsinti və qəza halları ilə bağlı 24 saat fasiləsiz fəaliyyət göstərən 199 saylı çağrı mərkəzi ilə əlaqə saxlasınlar. Onu da qeyd edək ki, çağrı mərkəzinə edilən zənglər ödənişsizdir”.
***
Gəncə şəhərində və ətraf rayonlarda axşam saatlarından başlayaraq güclü külək əsir, Goranboy və Şəmkir rayonlarının bəzi hissələrində elektrik enerjisinin verilməsində fasilə yaranıb.
"Report"un Qərb bürosunun məlumatına görə, güclü külək səbəbindən Şəmkir şəhərinin bəzi hissələrində, Goranboy rayonun Boluslu, Məşədiqaralar və Eyvazlılar kəndlərində elektrik enerjisinin verilməsi dayandırılıb.
Qeyri-sabit hava şəraiti səbəbindən başqa fəsadların olub-olmadığı adiəti qurumlar və idarələr tərəfindən araşdırılır.
Poliqon.info