Liviyanın şimal-şərqində daşqınlar və iki bəndin uçması 5 mindən çox insanın həyatına son qoyub, daha 10 min nəfər isə hələ də itkindir...
Poliqon xəbər verir ki, bu barədə CNN telekanalı məlumat yayıb.
Liviyanın Şərq Administrasiyasının Daxili İşlər Nazirliyinin məlumatına görə, daşqın nəticəsində azı 5300 nəfərin öldüyü güman edilir. Administrasiyanın səhiyyə naziri Osman Əbdülcəlil bildirib ki, ən çox dağıntıya məruz qalan Derna şəhərində 6 minə yaxın insan itkin düşmüş hesab olunur.
Səlahiyyətlilərin sözlərinə görə, "Daniel" fırtınası iki bəndin dağılmasına səbəb olub, onların vasitəsilə su Dernaya doğru axaraq fəlakətli dağıntılara səbəb olub.
Liviya Milli Ordusunun sözçüsü Əhməd Mismari bildirib ki, üç körpü dağıdılıb: "Su axını bütün əraziləri yuyub, dənizə aparıb", deyə Əhməd Mismari bildirib.
Dernada xəstəxanalar bağlanıb, meyitxanalar dolub. Şəhərdə telefon xətləri də işləmir ki, bu da xilasetmə işlərini çətinləşdirir.
Artıq Türkiyə və İtaliyadan olan təyyarələr humanitar yardımla Liviyaya gəlib. Bundan əlavə, Birləşmiş Ərəb Əmirliklərinin prezidenti ölkəyə yardım və axtarış-xilasetmə qruplarının göndərilməsi barədə göstəriş verib.
Poliqon.info
Digərxəbərlər
Populyar xəbərlər
