Kim Çen In Şimali Koreyanın yüksək səviyyəli rəsmilərini tənqid edib

Şimali Koreya lideri Kim Çen In bəndin dağıdılması nəticəsində yaranan daşqınlardan sonra bərpa işlərinin aparıldığı Onçeon vilayətindəki Ansoksi duz bataqlığını ziyarət edərkən bir neçə yüksək rütbəli məmuru tənqid edərək, onları vəzifələrinə məsuliyyətsiz yanaşmaqda ittiham edib.

Poliqon xəbər verir ki, bu barədə Koreya Mərkəzi Xəbər Agentliyi məlumat yayıb.

“Partiya Mərkəzi Komitəsinin çağırışı ilə bir nəfəslə yaşamağı bilməyən siyasi cəhətdən yetişməmiş insanları, problemləri narahatlıq kimi qəbul edə bilməyən və onlara məhəl qoymayan bürokratları heç bir halda bağışlamaq olmaz”, deyə Koreya Mərkəzi Xəbər Agentliyi Kim Çen Indan sitat gətirib.

Şimali Koreya lideri qeyd edib ki, ümummilli miqyasda məhsulun zədələnməsinin qarşısının alınması üçün tədbirlərin görülməsi zərurəti ortaya çıxdıqda rəhbərlikdə “məsuliyyətsizlik və intizamsızlıq” hökm sürür və bu, rəhbərliyin işə münasibətində və dünyagörüşündə ciddi problemlə izah olunur. Şimali Koreya lideri Baş nazirin aciz rəftarı və tabeliyindəkiləri səhv istiqamətləndirməsini də vurğulayıb.

Poliqon.info