İran tərəfi ABŞ-dan Tehran və Vaşinqton arasında məhbusların mübadiləsinə dair razılaşmaya əsasən 6 milyard dolların qaytarılması ilə bağlı bütün lazımi zəmanətləri alıb...
Poliqon “Mehr” Agentliyinə istinadən xəbər verir ki, bunu İran Xarici İşlər Nazirliyinin sözçüsü Naser Kənani deyib.
“ABŞ-la danışıqlar prosesi iki il davam edib, iranlı məhbusların və bank aktivlərinin azad edilməsi prosesi tərəflərin razılığı ilə həyata keçiriləcək. İran bu razılaşma ilə bağlı bütün lazımi zəmanətləri alıb”, deyə Kənani bildirib.
Avqustun 10-da New York Times qəzeti məlumatlı mənbələrə istinadən yazıb ki, İran və ABŞ məhbus mübadiləsi haqqında razılığa gəliblər, Tehran həmçinin humanitar məqsədlər üçün dondurulmuş 6 milyard dollarlıq aktivlərə çıxış əldə edəcək. Bu məbləğ Cənubi Koreyadakı dondurulmamış İran hesablarından çıxarılacaq və Qətər bankındakı hesaba yatırılacaq.
Ağ Evin Milli Təhlükəsizlik Şurasının sözçüsü Adrian Uatsonun sözlərinə görə, hazırda ABŞ və İranın ikili vətəndaşlığı olan, əvvəllər casusluqda ittiham olunan beş nəfər artıq həbsdən azad edilib və Tehranda ev dustaqlığındadır. Birləşmiş Ştatlar da saziş çərçivəsində beş nəfəri İrana qaytarmalıdır.
Poliqon.info
Digərxəbərlər
Populyar xəbərlər
