Suriya prezidenti Bəşər Əsəd türkiyəli həmkarı Rəcəb Tayyib Ərdoğanla sonuncunun şərtləri əsasında görüşməyəcəyini bildirib...
Poliqon xəbər verir ki, Suriya lideri bu barədə Sky News Arabia telekanalına müsahibəsində danışıb.
“Görüş Ərdoğanın şərtləri ilə baş tuta bilməz”, deyə Əsəd qeyd edib.
İyulun 9-da Rusiya prezidentinin Suriya nizamlanması üzrə xüsusi nümayəndəsi Aleksandr Lavrentyev bəyan edib ki, Bəşər Əsədlə Rəcəb Tayyib Ərdoğan rusiyalı həmkarı Vladimir Putinin iştirakı ilə Suriya-Türkiyə münasibətlərinin nizamlanması üçün yol xəritəsi istiqamətində işlər başa çatdıqdan sonra görüşə bilərlər. .
Bundan əvvəl Rusiya, İran, Suriya və Türkiyənin xarici işlər nazirlərinin müavinləri səviyyəsində Dəməşq və Ankara münasibətləri məsələsi ilə bağlı növbəti görüş keçirəcəyi bildirilirdi.
Poliqon.info