Rəsmi Tiflis eks-prezident Mixail Saakaşvilinin iyulun ortalarında Polşadan olan bir qrup həkimin Gürcüstanda keçirdiyi sağlamlıq müayinəsinin nəticələrini şübhə altına ala bilər.
Poliqon xəbər verir ki, bu barədə Polşa Seymi sədrinin müavini Malqozata Qosievska PAP-a açıqlamasında bildirib.
Onun sözlərinə görə, Saakaşvilinin vəziyyəti ilə bağlı testlərin nəticələri iki-üç həftədən sonra məlum olacaq. Bununla belə, o, polşalı həkimlərin qiymətləndirməsinin əvvəldən Saakaşvilinin vəziyyətini araşdıran Polşa missiyasını “diskreditə etməyə çalışan” gürcü tərəfi tərəfindən şübhə altına alına biləcəyini istisna etməyib.
Xüsusilə, onun sözlərinə görə, elə ertəsi gün Gürcüstanın eks-prezidentinin vəziyyətinin yoxlanılması zamanı gürcü tərəfi Polşa tərəfini ittiham edib ki, guya polşalı həkimlərdən biri Saakaşvilinin səhhətinin öyrənilməsi zamanı alınan analiz nümunələri olan probirkanı ayaqqabısında gizlədib.
“Nümunələrin götürülməsinin bütün prosesi Gürcüstan tərəfindən qeydə alınıb və polşalı həkimlər bunu bilirdi. Onların prosesdən tam məlumatlı olaraq hansısa materialı gizlətməyə çalışdıqlarını təsəvvür edə bilmirəm. Aydındır ki, bu, işin nəticələrini sonradan şübhə altına almaq üçün uydurma işdir”, deyə Qosevska vurğulayıb.
Poliqon.info
Digərxəbərlər
Populyar xəbərlər
