Dmitri Peskov: Ukraynanın Qara dənizdəki gəmilərlə bağlı açıqlamaları təhlükəlidir...
Poliqon “RİA Novosti” Agentliyinə istinadən xəbər verir ki, Rusiya prezidentinin mətbuat katibi Dmitri Peskov Ukraynanın dünən Qara dənizin Rusiya hissəsində naviqasiyanı qadağan etməsinə reaksiya verib. Kreml bildirib ki, Qara dənizdə gəmiçiliklə bağlı vəziyyət dərin təhlil tələb edir.
Peskov qeyd edib ki, Ukraynanın bundan sonra Rusiyanın Qara dənizdəki limanlarına gedən gəmiləri hərbi yük daşıyan gəmilər hədəf hesab edəcəyi barədə bəyanatı təhlükəlidir.
“Gözlənilməz hərəkətlər və üstəlik, Kiyev rejiminin terror aktlarında iştirakı, əlbəttə ki, bu sahədə potensial təhlükə yaradır, çünki Kiyev rejimi tamamilə gözlənilməzdir. O, heç nədən çəkinmir”, deyə Peskov indiki vəziyyətdə Qara dənizlə bağlı Kremlin mülki gəmilər üçün təhlükə görüb-görməməsi sualını cavablandırarkən bildirib..
Rusiya gəmilərinin trayektoriyasında mümkün dəyişikliklərə gəlincə, prezidentin mətbuat katibi qeyd edib ki, hazırda vəziyyət təhlil edilir.
“Rusiyanın məsul qurumları Ukrayna tərəfinin təhdidlərindən sonra Qara dənizdəki təhlükəni minimuma endirmək üçün tövsiyələr hazırlayacaq”, deyə Peskov bildirib.
Kremlin sözçüsü Rusiyadan neftin və digər malların Qara dəniz vasitəsilə ixracı ilə bağlı risklərlə bağlı vəziyyəti də dərindən təhlil etmək lazım olduğunu vurğulayıb.
“Yalnız təhlillərdən sonra nəticə çıxarmaq və tövsiyələr hazırlamaq mümkün olacaq”, deyə Peskov fikrini yekunlaşdırıb.
Qeyd edək ki, Ukrayna dünən Qara dənizin Rusiya hissəsində naviqasiya qadağası elan edib. Ukrayna Müdafiə Nazirliyi bildirib ki, iyulun 21-dən Qara dənizdə Rusiya dəniz limanları istiqamətində üzən gəmiləri potensial olaraq hərbi yük daşıyan gəmilər hesab edəcək. Müdafiə Nazirliyinin məlumatında qeyd olunub ki, bu tədbir Rusiya Müdafiə Nazirliyinin qərarına cavab olaraq həyata keçirilib. Bundan əvvəl isə Rusiya Müdafiə Nazirliyi Qara dənizin bir sıra ərazilərini naviqasiya üçün təhlükəli elan edilib. Bu Rusiyanın “taxıl sazişi”ndən çıxmasından sonra baş verib.
Poliqon.info