Çinlə əlaqəli hakerlər ABŞ-ın Pekindəki səfiri Nikolas Bernsin elektron poçtlarını sındıraraq, ehtimal ki, ABŞ rəsmilərinin yüz minlərlə məktubuna giriş əldə ediblər...
Poliqon xəbər verir ki, bu barədə The Wall Street Journal nəşri mənbələrə istinadən məlumat yayıb.
“Pekinlə əlaqəli hakerlər ABŞ-ın Çindəki səfiri Nikolas Bernsin elektron məktublarına giriş əldə ediblər. Güman edilir ki, hakerlər ABŞ rəsmilərinin ən azı yüz minlərlə elektron məktublarına giriş əldə ediblər”, deyə mənbə bildirib.
Qeyd olunur ki, hakerlər ABŞ Dövlət Departamentində Şərqi Asiya istiqamətinə nəzarət edən məmurun elektron poçt hesabını da sındıra bilər.
Xatırladaq ki, iyulun əvvəlində ABŞ mediası Dövlət Departamenti və Ticarət Departamentinin rəsmilərinin e-poçt hesablarının çinli hakerlər tərəfindən hücuma məruz qaldığını bildirmişdi.
Həmin kiberhücumlar ABŞ dövlət katibi Entoni Blinkenin iyunda Pekinə səfərindən həftələr əvvəl qeydə alınıb. “Microsoft” daha əvvəl bildirmişdi ki, 25 dövlət təşkilatı, o cümlədən federal agentliklərin hesabları hücumların hədəfinə çevrilib.
Poliqon.info