Məhkəmə Navalnıya qarşı ekstremizm işi üzrə hökmünü avqustun 4-də elan edəcək...
Poliqon Rusiya mətbuatına əsasən xəbər verir ki, dövlət ittihamçısı Aleksey Navalnının ekstremist icma yaratmaq ittihamı ilə ciddi rejimli koloniyada iyirmi il müddətinə azadlıqdan məhrum edilməsini istəyib. TASS Agentliyi bu barədə Navalnının müdafiəçisi Olqa Mixaylovaya istinadən məlumat yayıb
“Dövlət ittihamçısı Navalnını Rusiya Federasiyası Cinayət Məcəlləsinin 282.1-ci maddəsinin 3-cü hissəsi (ekstremist icma yaratmaq və orada iştirak etmək), habelə ekstremist fəaliyyəti maliyyələşdirmə, ekstremist fəaliyyətə ictimai çağırışlar üzrə təqsirli bilinməsini istəyib”, deyə Agentliyin məlumatın da bildirilir.
Qeyd olunur ki, Navalnının hökmü Vladimir vilayətindəki koloniyanın ərazisində avqustun 4-də elan olunacaq.
Hazırda Navalnı Moskvanın Lefortovo məhkəməsinin dələduzluq və məhkəməyə hörmətsizlik ittihamı ilə çıxardığı hökmlə Vladimir vilayətindəki ciddi rejimli koloniyada 9 il cəza çəkir.
Navalnıya qarşı ekstremist icmanın yaradılması ilə bağlı cinayət işi baxılması üçün mayın 25-də Moskva Şəhər Məhkəməsinə təqdim edilib.
Poliqon.info