Ukrayna Prezidenti Volodimir Zelenski Lutskda polşalı həmkarı Anjey Duda ilə iyulun 11-12-nə planlaşdırılan NATO sammitini müzakirə edib.
"Report" xəbər verir ki, bu barədə Ukrayna lideri tviterdə yazıb.
"Anjey Duda ilə NATO-nun Vilnüsdə keçiriləcək sammiti barədə qısa şəkildə danışa bildik. Biz Ukrayna üçün ən yaxşı nəticə əldə etmək üçün birlikdə işləməyə razılaşdıq", - Zelenski qeyd edib.
Bundan əvvəl Zelenski və Duda Lutskda Müqəddəs Pyotr və Pavel kilsəsində keçirilən ibadət mərasimində iştirak ediblər, burada II Dünya Müharibəsi və Volın faciəsi qurbanlarının xatirəsini ehtiramla yad ediblər.
***
Lutsk şəhərində Ukrayna və Polşa prezidentləri Volodimir Zelenski ilə Anjey Duda arasında görüş keçirilib.
"Report" bu barədə "RBC-Ukrayna"ya istinadən xəbər verir.
Zelenski ilə Duda Müqəddəs Pyotr və Pavel kilsəsini ziyarət ediblər.
Polşa Prezidenti Litva lideri Gitanas Nauseda ilə birlikdə iyunun 28-də Konstitusiya Günündə Kiyevə səfər edib. Onlar cəbhə xəttindəki vəziyyəti, Avropaya inteqrasiyanı və Ukraynanın sülh formulunu müzakirə ediblər.
Qeyd edək ki, Polşa Rusiya ilə müharibədə Ukraynaya ən çox dəstək verən ölkələrdən biridir. O, Ukraynanın NATO-ya daxil olmaq səylərini dəstəkləyir.
Poliqon.info