Polşada təşkil olunan III Avropa Oyunlarının bağlanış mərasimi başlayıb

"Report"un yarışlara ezam olunmuş əməkdaşının məlumatına görə, Krakovdakı Henrik Reyman stadionunda keçirilən mərasim bədii kompozisiyaların ifası ilə start götürüb.

Ardınca iştirakçı ölkələrin bayraqları arenaya gətirilib. Azərbaycan bayrağını boks üzrə Oyunların gümüş medalını qazanmış Məhəmməd Abdullayev dalğalandırıb. Bayraqların arenada yerləşməsindən sonra isə iştirakçı ölkələrin nümayəndə heyətləri gəliblər.

Bir neçə müğənninin müxtəlif musiqi nömrələrini səsləndirdiyi bağlanış mərasimi davam edir.

Qeyd edək ki, aktivində ümumilikdə 11 medal (3 qızıl, 2 gümüş, 6 bürünc) olan Azərbaycan Avropa Oyunlarını 24-cü sırada başa vurub.

Poliqon.info