Pentaqonun keçmiş rəhbəri, Donald Trampın prezidentliyi dövründə ABŞ-ın müdafiə naziri olan Mark Esper keçmiş rəhbərini ABŞ-ın milli təhlükəsizliyinə təhdid adlandırıb...
Poliqon xəbər verir ki, bu barədə Politico nəşri məlumat yayıb.
Esper bu yaxınlarda məxfi sənədləri gizlətməsi ilə bağlı 37 maddə üzrə ittiham olunan Trampın işini sosial mediada məxfi hərbi sənədləri yaymaqda ittiham olunan Milli Qvardiyanın əsgəri Cek Teyşeyranın işi ilə müqayisə edib.
“İnsanlar bu kimi sənədlərə gəldikdə onu xəzinədar kimi təsvir edirlər. Amma bunun icazəsiz, qanunsuz və təhlükəli olduğu aydındır”, deyə Esper bildirib.
Sabiq Pentaqon rəhbəri həmçinin məxfi sənədlərin yanlış idarə olunmasının ABŞ üçün problemlər yarada biləcəyi ssenariləri də açıqlayıb:
“Təsəvvür edin ki, bir xarici agent və ya başqa bir ölkə Amerikanın zəifliklərini və ya Birləşmiş Ştatlar ordusunun zəif tərəflərini təsvir edən sənədləri aşkar edib. Bunun münaqişədə bizə qarşı necə istifadə oluna biləcəyini, düşmənin öz əks tədbirlərini necə inkişaf etdirə biləcəyini və s. düşünmək istəmirəm. Yaxud İranın hücumu zamanı ABŞ-ın planlarının ələ keçməsinin bizim hazırlığımıza, hücumu dəf etmək qabiliyyətimizə necə təsir etdiyini düşünün”.
Esper hesab edir ki, Trampa qarşı irəli sürülən ittihamlar sübuta yetirilərsə, ABŞ prezidenti seçilərsə, ona yenidən dövlət sirrini etibar etmək mümkün olmayacaq: “Yəni demək istəyirəm ki, hərbçilərimizi, ölkəmizin təhlükəsizliyini riskə atan hərəkətlər sadəcə məsuliyyətsizlikdir”.
Tramp Esperi 2019-cu ilin iyununda müdafiə naziri təyin edib, 2020-ci ilin noyabrında isə işdən çıxarıb.
İyunun 8-də Mayamidə federal böyük münsiflər heyətinin Trampı məxfi sənədlərin təhqiqatı ilə əlaqədar ittiham edərək, onu federal cinayətlərdə, o cümlədən milli təhlükəsizlik sənədlərini qanunsuz saxlamaqda və ədalət mühakiməsinə mane olmaq üçün sui-qəsddə ittiham etdiyi bildirilir. Tramp “tamamilə günahsız” olduğunu bildirib və işi şantaj adlandırıb.
Poliqon.info