Qazaxıstanda Nazarbayevi təhqir etmək maddəsini cinayət məcəlləsindən çıxarmaq istəyirlər...
Qazaxıstan Parlamenti Məclisinin (aşağı palatası) deputatları Cinayət Məcəlləsindən ölkənin birinci prezidenti Nursultan Nazarbayevi təhqir etməyə görə məsuliyyət maddəsinin çıxarılmasına dair düzəlişləri nəzərdən keçirirlər.
Poliqon xəbər verir ki, bu barədə Məclisin deputatı Snejanna İmaşeva yerli mətbuata məlumat verib. Onun sözlərinə görə, düzəliş “texniki xarakter” daşıyır.
Xanım İmaşeva bildirib ki, 2022-ci ilin iyununda keçirilən konstitusiya referendumunun nəticələrinə görə cənab Nazarbayevin Elbası (millət lideri) olması haqqında müddəa əsas qanundan çıxarılıb və buna görə də bu düzəlişə ehtiyac var.
“Elbası” statusu artıq mövcud deyil, ona görə də cinayət məsuliyyətinə ehtiyac yoxdur və tətbiq edilməyəcək”, -deyədeputat bildirib.
Qeyd edək ki, Nursultan Nazarbayev 1989-cu ilin iyunundan 2019-cu ilin martına qədər Qazaxıstanın lideri olub. 2010-cu ildən o, Qazaxıstan Respublikasının ilk Prezidenti - Elbası rəsmi titulunu daşıyıb.
2022-ci ildə Qazaxıstanda referendum nəticəsində konstitusiya yenilənib və başqa şeylərlə yanaşı, Qazaxəstanın ilk prezidentinə dair bütün istinadlar əsas qanundan çıxarılıb.
Poliqon.info
Digərxəbərlər
Populyar xəbərlər
