Qəzza zolağında yerləşən fələstinli radikal qruplar texniki nasazlıq səbəbindən İsrailə doğru raket atıblar...
Poliqon xəbər verir ki, bu barədə bazar günü, mayın 14-də öz mənbəsinə istinadən Al Jazeera telekanalı məlumat yayıb.
Kanalın məlumatına görə, Fələstin tərəfi atəşkəs razılaşmalarına sadiqdir. Qeyd edək ki, atəşkəs razılığı mayın 13-də gecə əldə olunub.
İsrail ordusunun mətbuat xidməti daha əvvəl Qəzza zolağından yeni atəş açıldığını bildirmişdi. Qeyd olunub ki, raket açıq əraziyə düşüb.
Qəzza zolağında yerləşən fələstinli qruplarla İsrail arasında atəşkəs haqqında razılaşmalar mayın 13-də əldə edilib, media yazır. Onların sözlərinə görə, o, yerli vaxtla saat 22:00-da fəaliyyətə başlamalı idi. Lakin razılaşmaların əksinə olaraq, həmin gün axşam saatlarında İsrailin cənubunda hava həyəcanı elan edilib.
Daha sonra İsrail baş nazirinin ofisi bəyan edib ki, İsrail rəsmi olaraq atəşkəsə razılaşıb. Milli Təhlükəsizlik Şurasının rəhbəri dəqiqləşdirib ki, ölkəyə hücum və ya təhdid edilərsə, “özünü müdafiə etmək üçün nə lazımdırsa, etməyə davam edəcək”.
Mayın 9-da İsrail ordusu Qəzza zolağında “Qalxan və ox” əməliyyatına başlayıb. Əməliyyat “İslami Cihad”a qarşı yönəlib.
Poliqon.info
Digərxəbərlər
Populyar xəbərlər
