QDİƏT-in son dərəcə darıxdırıcı iclası zalında başlayan dava, sonra kluarlarda davam edib...
Ankarada Qara Dəniz İqtisadi Əməkdaşlıq Təşkilatı Parlament Assambleyasının (QDİƏT) iclasında Ukrayna və Rusiya nümayəndə heyətlərinin üzvləri arasında dava düşüb.
Poliqon xəbər verir ki, bu barədə Türkiyənin “Anadolu” Xəbər Agentliyi məlumat yayıb.
Belə ki, Rusiya Dövlət Dumasının deputatı Olqa Timofeyevanın çıxışı zamanı Ukrayna nümayəndə heyətinin üzvləri onun arxasında bayraqlarını açmağa çalışaraq, Rusiya əleyhinə şüarlar səsləndirməyə başlayıblar.
Rusiya nümayəndə heyətinin üzvləri ukraynalılara müdaxilə etməyə çalışıblar, nəticədə əlbəyaxa dava düşüb. Məclisə sədrlik edən Türkiyə Böyük Millət Məclisinin sədri Mustafa Şentop məsələyə müdaxilə edərək iclas iştirakçılarını sakit olmağa çağırıb.
Poliqon.info