Si Tsinpin Zelenski ilə telefon danışığı aparıb

Poliqon xəbər verir ki, Çin Mərkəzi Televiziyasının məlumatına görə, Çin lideri Si Tsinpin Ukrayna prezidenti Vladimir Zelenski ilə telefon danışığı aparıb. Söhbətin təfərrüatları ilə bağlı məlumat verilmir.

Çin lideri ilə telefon danışığı ilə bağlı Ukrayna prezidenti Vladimir Zelenski də Twitter-də məlumat verib. Danışıqların təfərrüatlarına toxunmayan Ukrayna lideri bildirib ki, telefon danışığı uzun çəkib.

Qeyd edək ki, Rusiya prezidenti Vladimir Putin Çin lideri ilə görüşündən sonra Rusiyanın Ukrayna ilə bağlı Çinin nizamlanma planını əsas götürməyə hazır olduğunu bildirmişdi. Putin qeyd edib ki, Çin tərəfinin irəli sürdüyü 12 bəndlik sülh planının bir çox müddəaları Rusiyanın yanaşmalarına uyğundur.

Xatırladaq ki, fevralın 24-də Çin Xarici İşlər Nazirliyi Ukraynadakı münaqişənin həlli ilə bağlı öz planını dərc edib. Ümumilikdə sülh planına 12 maddə daxildir. Sənəddə, digər məsələlərlə yanaşı, bütün ölkələrin suverenliyinə hörmət, hərbi əməliyyatların dayandırılması və sülh danışıqlarının bərpası, mülki əhalinin və hərbi əsirlərin müdafiəsi, həmçinin nüvə münaqişəsi risklərinin azaldılması zərurəti qeyd olunur.

Çinin sülh təşəbbüsü ilə bağlı Ukrayna prezidenti Vladimir Zelenski deyib ki, Çinin regiondakı münaqişənin həlli ilə bağlı təklifləri tam fəaliyyət planı sayıla bilməz, çünki onlar daha çox Pekinin bu məsələ ilə bağlı düşüncələrini igadə edir.

Poliqon.info