Harvard və Pensilvaniya Universitetlərinin son araşdırmasına görə, cəsarətləri və amansızlığı ilə tanınan vikinqlər iqlim dəyişikliyinə tab gətirə bilməyiblər...
Poliqon xarici mətbuata əsasən xəbər verir ki, bu barədə Phys.org portalının məlumatında deyilir.
Alimlər aşkar ediblər ki, Qrenlandiyada buz təbəqələrinin artması və dəniz səviyyəsinin qalxması 15-ci əsrdə vikinqləri adanı tərk etməyə məcbur edən kütləvi sahil daşqınlarına səbəb olub.
Kürən Erikin dastanında (Saqa) deyilir ki, vikinqlər 982-ci ildə adada məskunlaşdılar və bir neçə il sonra yeni torpaq haqqında nağılların yaılmasından sonra digər normanlar oraya üzüblər. Nəticədə qrelandiyada bir neçə yaşayış məntəqəsinin əsası qoyulub və adada iqtisadi çiçəklənmə yaşanıb. Norveç və Danimarka Qrelandiya ilə ticarət əlaqələrini uzun müddət davam etdirib
Müasir tədqiqatlar göstərdi ki, Vikinq məskənləri XV əsrin əvvəllərində mövcud olmağı dayandırıb. Vikinqlərin Qrelandiyanı tərk etmələrinin əsas fərziyyəsi “Kiçik Buz Dövrü”nün başlanğıcı ilə əlaqəli iqlim dəyişikliyi hesab olunur. Qeyd edək ki, Qrelandiyada “Kiçik Buz Dövrü” 14-cü əsrin əvvəllərindən 19-cu əsrin ortalarına qədər davam edib.
Geofiziki modellərdən istifadə edərək tədqiqatçılar hesabladılar ki, Vikinqlərin Qrenlandiyada mövcud olduğu təxminən 500 il ərzində buz təbəqəsinin irəliləməsi dəniz səviyyəsini təxminən üç metr qaldırıb. Mütəxəssislərin fikrincə, yaşayış məntəqələrinin 75%-i sahildən bir qədər kənarda yerləşirib. Adanın insan və heyvan qalıqlarının təhlili göstərib ki, vikinqlər tədricən qida rasionunu ətdən “dənizə” dəyişiblər ki, burada balıq və suitilər üstünlük təşkil etməyə başlayıb. Bu da alimlərin gəldiyi nəticənin doğruluğundan xəbər verir.
Poliqon.info