“Tərtər işi” ilə bağlı ittiham olunan 4 nəfər - Vüsal Ələsgərov, Rəşid Niftəliyev, Ramil Qarayev və Rüstəm Ələsgərovun cinayət işi üzrə məhkəmə araşdırması başlayır...
APA xəbər verir ki, cinayət işi Bakı Hərbi Məhkəməsinin icraatında olsa da proses Sumqayıt Məhkəmə Kompleksində keçiriləcək.
Vəkil Rəsul Cəfərov APA-ya bildirib ki, proses iştirakçılarının çox olması səbəbi ilə işə Sumqayıt Məhkəmə Kompleksində baxılması qərara alınıb.
Cinayət işi üzrə hazırlıq iclası bu gün keçiriləcək.
192 nəfərin zərərçəkmiş qismində tanındığı cinayət işinə Bakı Hərbi Məhkəməsinin hakimi Camal Ramazanovun sədrliyi ilə baxılacaq.
Xatırladaq ki, 2021-ci ilin dekabr ayında Baş Prokurorluqda "Tərtər işi" ilə bağlı cinayət işlərinin icraatının təzələnməsi ilə bağlı qərarlar qəbul edilib. Sözügedən qərarlardan sonra aparılın istintaq zamanı ayrı-ayrı hərbi qulluqçulara işgəncə verilməsi, onların qanunsuz azadlıqdan məhrum edilməsi və vəzifə səlahiyyətlərini aşılmasına əsaslı şübhələr müəyyən edilmiş bir neçə hərbçi cinayət məsuliyyətinə cəlb olunub. Təqsirləndirilən şəxslərə qarşı Cinayət Məcəlləsinin müvafiq maddələri ilə ittiham irəli sürülüb.
Poliqon.info
Digərxəbərlər
Populyar xəbərlər
