Kadırov özünün Özəl Hərbi Şirkətini yaradacaq

Poliqon.info xəbər verir ki, bu barədə Çeçenistan lideri öz Telegram kanalında yazıb.

Yazının əvvəlində Kadırov etiraf edir ki, o, “Vaqner qrupu”nun döyüşçülərinin Ukraynadakı hərbi əməliyyatlar zonasında uğurlarına sevinməkdə davam edir və qeyd edir ki, onlar həmişə işin çətin tərəfini öz üzərilərinə götürürlər.

Çeçenistan rəhbərinin sözlərinə görə, “Vaqner” ÖHŞ artıq hərbi əməliyyatın indiki mərhələsində, “effektivliyini ciddi şəkildə sübut edib” və özəl hərbi şirkətlərin mövcudluğu üçün “zərurət haqqında söhbətin altından xətt çəkir”.

“Şübhəsiz ki, bu cür peşəkar birləşmələr lazımdır. Ona görə də dövlət qulluğunda işimi bitirdikdən sonra özəl hərbi şirkət yaratmağı ciddi şəkildə düşünürəm. Düşünürəm ki, hər şey yaxşı olacaq”, deyə Kadırov bildirib və mesajında Priqojini “əziz qardaşım” adlandırıb.

Çeçenistan rəhbəri sosial şəbəkələrdə dəfələrlə Yevgeni Priqojini tərifləyərək onu “doğulmuş döyüşçü”, “Vaqner” ÖHŞ-nin döyüşçülərini isə “Rusiyanın əsl peşəkarları və vətənpərvərləri, qorxmaz, inadkar, və cəsarətli insnları” adlandırıb.

Poliqon.info