Rusiyanın nüvə ixracı genişlənib, atom sənayesi isə sürətlə inkişaf edir...

Poliqon.info xəbər verir ki, bu barədə Bloomberg Agentliyinin təhlilində bildirilir.

Nəşr bildirir ki, ABŞ və müttəfiqlərinin Rusiyanın atom sənayesinə qarşı sanksiyalar tətbiq etmək istəməməsi Moskvanın yeni nəsil qlobal alıcılar üzərində nəzarətini gücləndirib.

Britaniyanın Kral Birləşmiş Xidmətlər İnstitutu tərəfindən tərtib edilən eksklüziv ticarət məlumatları göstərir ki, 2022-ci ildə Rusiya nüvə yanacağı və texnologiyasının xaricə satışı 20%-dən çox artıb. Aİ-yə üzv dövlətlər tərəfindən satınalmalar son üç ilin ən yüksək səviyyəsinə çatıb. Rusiyanın nüvə biznesi Misir və İrandan tutmuş Çin və Hindistana qədər bir çox ölkələri əhatə edərək sürətlə inkişaf edir.

Məqalədə qeyd edilir ki, “Rosatom” ABŞ-dakı 92 reaktor üçün lazım olan zənginləşdirilmiş uranın təxminən beşdə birini təmin edir. Avropada “Rosatom” şirkəti 100 milyon insan üçün elektrik enerjisi istehsal edən kommunal sahələrə xidmət göstərir.

Bloomberg bildirir ki, Bolqarıstan, Çexiya, Macarıstan və Slovakiya da daxil olmaqla NATO-ya üzv ölkələr Ukraynadan ticarəti dayandırmaq çağırışları fonunda keçən il “Rosatom”dan yanacaq almağa davam ediblər.

Poliqon.info