İran Müdafiə Nazirliyinin İsfahan şəhərindəki hərbi zavoduna pilotsuz təyyarələrin zərbəsi amerikalılar və “başqa bir ölkə” tərəfindən edilib...
PİA.az xəbər verir ki, bu barədə Al Arabia telekanalı mənbələrə istinadən məlumat verib. Xəbərdə “başqa bir ölkə” bağlı heç bir konkret məlumat verilməyib.
Telekanalın məlumatına görə, hücumun hədəfi ballistik raketlərin olduğu anbar olub. Mövcud məlumatlara görə, İsrail hakimiyyətinin bu əməliyyatın nə keçirilməsi, nə də planlaşdırılması ilə heç bir əlaqəsi yoxdur.
Xatırladaq ki, İran Müdafiə Nazirliyinin zavoduna hücum yanvarın 29-a keçən gecə məlum olub. Rəsmi məlumata görə hadisə nəticəsində xəsarət alan olmayıb.
Qeyd edilir ki, hücum və partlayışdan sonra hərbi obyektə dəymiş ziyan cüzidir.
Xatırladaq ki, Al Arabia mikrobloqlarında yanvarın 29-na keçən gecə İsrailin İranda hərbi əməliyyata başladığı barədə məlumat yayılmışdı. Yaxın Şərq media mənbələri və müxtəlif hesablar şəhərlərdə və hərbi bazalarda baş verən partlayışlar, hava hücumları, təyyarələrin uçuşları və üsyançıların fəaliyyəti ilə bağlı məlumatlar yerləşdirir. İsrail hakimiyyəti hərbi əməliyyatın keçirildiyini rəsmən açıqlamayıb və zərbələrə görə məsuliyyəti üzərinə götürməyib.
pia.az