Ərdoğan isveçli ekstremistlərin Türkiyənin Stokholmdakı səfirliyində Quranın açıq şəkildə yandırıldığı aksiyanı “çirkli” adlandırıb…
PİA.az xəbər verir ki, Türkiyə prezidenti Rəcəb Tayyib Ərdoğan yanvarın 23-də TPT telekanalında bildirib ki, Ankara Stokholmdakı anti-Türkiyə hərəkətləri fonunda İsveçi NATO-ya üzv olmaq cəhdində dəstəkləməyəcək.
Ərdoğan isveçli ekstremistlərin Türkiyənin Stokholmdakı səfirliyində Quranın açıq şəkildə yandırıldığı aksiyanı “çirkli” adlandırıb. Xatırladaq ki, aksiyanı sağçı ekstremist Rasmus Paluda təşkil edib.
Türkiyə prezidenti bildirib ki, bu aksiya müsəlmanlara və bütün insanlara, bütün hüquq və azadlıqlara təhqirdir. O, bunun heç bir nəticə verməyəcəyini və İsveçin bundan sonra Türkiyədən dəstək gözləməməli olduğunu bildirib.
Xatırladaq ki, ötən ilin iyun ayında Türkiyə və İsveç terrorizmlə, o cümlədən PKK ilə mübarizə tədbirlərini gücləndirmək barədə razılıq əldə olunan memorandum imzalanıb.
pia.az