Sövdələşmələr spikerin səlahiyyətlərinin azaldılmasını və konqresmenlərin qanunların hazırlanmasında və qəbul edilməsində rolunun artmasını əsas görür…
Bu gün ABŞ Konqresinin Nümayəndələr Palatasının spkerinin seçkilərinin 11-ci turu keçirilib.
PİA.az xarici mətbuta əsasən xəbər verir ki, ABŞ Konqresinin Nümayəndələr Palatasının spikerinin seçilməsi üçün səsvermənin 11 turu keçirilib.
Seçkinin nəticələri növbəti dəfə Respublikaçıların Konqresin aşağı palatasındakı lideri Kevin Makkarti üçün heç də ümidverici olmayıb. Belə ki, Makkarti əvvəlki səsvermələrdən daha az səs toplayıb. Makkartinin aldığı səslər 203-ə qədər geriləyib.
Amerikanın Səsi” xəbər verir ki, Makkarti Nümayəndələr Palatasının spikeri vəzifəsinə seçilmək üçün rəqiblərinə sövdələşmə təklif edib. “Amerikanın Səsi”nin məlumatına görə, respublikaçılar spikerin gücünü zəiflədəcək və adi konqresmenlərə qanunvericilik prosesinə təsirini artırmağa imkan verəcək gələcək razılaşmanın konturları üzərində işləyirlər.
Makkarti hələ ki, seçilmək üçün lazım olan səsi toplayacağına ümid edə bilmir, lakin sövdələşmələr nəticəsində Makkartinin Respublikaçı rəqibləri ona dəstək verə bilərlər.
Makkartinin öz rəqibləri ilə razılaşma təklifləri Nümayəndələr Palatasının reqlamentində ediləcək dəyişikliklərlə bağlıdır. Bu dəyişiklikləri bir neçə aydır ki, mühafizəkar Freedom Caucus fraksiyası təklif edir.
Bu dəyişikliklər spikerin səlahiyyətlərinin azaldılmasını və konqresmenlərin qanunların hazırlanmasında və qəbul edilməsində rolunun artmasını əsas görür.
“Amerikanın Səsi”nin qeyd etdiyi kimi, Makkarti lazımi sayda səs toplaya bilsə belə, o, səlahiyyətlərinin bir hissəsini itirərək Nümayəndələr Palatasının tam səlahiyyətli lideri olmayacaq və daimi olaraq vəzifəsindən uzaqlaşdırılmaq təhlükəsi altında olacaq.
Yeni dəyişikliklərin mahiyyəti əvvəllər mövcud olan və bir konqresmenə belə spiker kürsüsünü boşaltmaq və yeni səsvermə təyin etmək təklifi verməyə imkan verən qaydaların bərpası dayanır.
pia.az