Sentyabrın 17-dən bəri İranda 22 yaşlı Məhsa Əmininin qətli ilə bağlı keçirilən etiraz aksiyalarında azı 507 fəal həlak olub...
PİA.az xarici mətbuata əsasən xəbər verir ki, bu barədə HRANA hüquq müdafiə təşkilatı Facebook-da məlumat verib. Təşkilat nümayəndələrinin sözlərinə görə, ölərdən 69-u azyaşlı olub. Bundan əlavə, 66 təhlükəsizlik əməkdaşı öldürülüb.
Hüquq müdafiəçilərinin məlumatına görə, hazırda İranda 161 şəhərdə ən azı 18553 etirazçı həbsxanadadır. Onlardan 4108 nəfərin kimliyi və saxlandığı yerlər hələlik məlum deyil. Həbs olunanlar arasında 665 nəfərə yaxını tələbələrdir.
Xatırladaq ki, sentyabrın 16-da Tehranda şəriət hüquq-mühafizə dəstəsi 22 yaşlı Məhsa Əmini "yanlış hicab geyindiyi" üçün polis bölməsində saxlayıb və döyərək öldürüb. Qız İranın paytaxtına İraq Kürdüstanından gəlib və ona uyğun hicab əvəzinə baş örtüyü taxıb.
İranda Məhsa Əmininin öldürülməsindən sonra ölkə əhalisinin demək olar ki, bütün təbəqələrinin qoşulduğu etirazlar başlayıb. Nümayişlər bir neçə həftə davam etdi, etirazlar bu günə qədər davam edir.
Dekabrda məlum olub ki, İran hökuməti qadınlar üçün hicabın məcburi olması ilə bağlı qanuna yenidən baxacaq. Ölkənin baş prokuroru Məhəmməd Cəfər Möntəzirinin sözlərinə görə, mühafizəkar siyasətçilərin etirazlarına baxmayaraq, bu məsələ hakimiyyətin bütün qollarında müzakirələr gedir.
pia.az