Bakıda tarixi binanın görünüşünə qanunsuz müdaxilə – Deputat naziri sərt tənqid elədi

Tarixi görünüşü ilə fəxr etdiyimiz paytaxtın görkəmi yaxın illərdə tamamilə dəyişə bilər…

Paytaxtımızda yeni bir tendensiya müşahidə olunmaqdadır. Tarixi əhəmiyyətə malik binalara qanunsuz müdaxilələrin sayı günü-gündən artır.

Belə ki, Ağamusa Nağıyeva məxsus 28 May küçəsində yerləşən, polşalı memar tərəfindən layihələndirilən Azərbaycan memarlıq abidələrinin incilərindən hesab olunan binanın fasadına müdaxilə edilib. Daş fasad bərpa olunmaq əvəzinə, sadəcə boyanıb.

Memar Elçin Əliyev qeyd edib ki, bu kimi halların sayı artarsa, tarixi görünüşü ilə fəxr etdiyimiz paytaxtın görkəmi yaxın illərdə tamamilə dəyişə bilər.

Məsələ ilə bağlı Mədəniyyət Nazirliyi yanında Mədəni İrsin Qorunması, İnkişafı və Bərpası üzrə Dövlət Xidməti ilə əlaqə yaratsaq da, suallarımızı cavablandıran olmadı.

Ətraflı Baku TV-nin süjetini təqdim edirik:

Deputat Etibar Əliyev tarixi binanın görünüşünə müdaxiləni sərt tənqid edib. Onun fikirlərini olduğu kimi təqdim edirik:

Əbülfəz Qarayevlə Anar Kərimovun oxşar cəhətləri

“Səadət” sarayının əsas giriş qapısının sağında və solunda təxminən bir metr hündürlükdə üz-üzə baxan iki timsah barelyefi var. İtaliyan heykəltəraşı bunu elə yaratmışdı ki, sanki timsahlar indi sudan çıxır. Müəllif timsahın nəmli dərisinin fakturasını elə işləmişdi ki, sanki canlıdır. Tələbə vaxtı həmişə gedib timsahlara baxardıq. Sarayın təmir zamanı heç bir sənətşünasdan, heykəltəraşdan, rəssamlardan və memarlardan məsləhət almadan timsahları adi daşı təmizləyən fəhlənin laqondasının qurbanına çevirdilər.

Bir neçə min yaşı olan Kolizey, yaxud V Əsrdə Afina Akropolunda inşa edilmiş Parfenon abidələri necə varsa qalıb. Bunları necə qoruyublar? Bizdə isə təcrübəni öyrənmək əvəzinə laqondanı işə salırlar.

Tanınmış memar Elçin Əliyev: “Bir neçə il əvvəl, Bakının Mərdanov Qardaşları küçəsindəki binanın gözəlliyindən yazmışdım. Təəssüf ki, bu gün o gözəllik yoxdur: ötən gün fasadın detalları tamamilə ləğv edib suvaq ilə örtüblər, tarixi binanın bir hissəsini rəngləyiblər.

Üstəlik, bina memarlıq abidəsidir və dövlət tərəfindən qorunur, bunu Qanunun 135-ci səhifəsindəki 3265 nömrəli yazı sübut edir!”

E.Əliyev qeyd edib ki, memarlıq abidələrinin mühafizəsi sahəsində tam qarışıqlıq vüsət almaqda davam edir: “Bu, səriştəsiz, təsadüfi, mövzudan uzaq insanların Mədəniyyət Nazirliyində vəzifələrə təyin edilməsinin nəticəsidir. Yazıq, təhqir olunmuş Bakı! Min illik tarixi olan, taleyi “memarlıq” fırıldaqçılarının əlində olan qədim şəhər!”

pia.az