Pia.az “Yeni Şafak” nəşrinə istinadən xəbər verir ki, Britaniyanın “Breksit”dən sonra meydana çıxan yanacaq böhranının qarşısını almağa çalışdığı bir zamanda yeni böhran baş qaldırmağa başlayıb.
Fransanın Avropa İttifaqı məsələri üzrə naziri Kleman Bon balıqçılıq hüquqları ilə bağlı doqquz ay ərzində sakit və gözəl şəkildə İngiltərə ilə bazarlıq elədiklərini, səbrlərinin bir həddi olduğunu vurğulayaraq, İngiltərəni Manş adalarındakı elektrik mənbəyini kəsməklə təhdid edib. O, “Breksit”dən sonra Britaniyanın Fransa qayıqları tərəfindən tələb edilən bütün balıqçılıq lisenziyalarını verməyi rədd eləməsinə tamaşaçı kimi baxmayacaqlarını bildirib: “Səbrimizin də bir həddi var, 9 aydır sakit və gözəl şəkildə bazarlıq eləmişik, lakin bu qədər kifayətdir. Qarşımızdakı günlərdə İngiltərəyə Avropa səviyyəsində, yaxud da beynəlxalq səviyyədə təyziq tədbirləri görəcəyik”.
Bon İngiltərənin Manş adalarının enerji ilə təmin edilməsinin Fransadan asılı olduğunu bildirib və Britaniyanı nəzərdə tutaraq söyləyib: “Təkbaşına yaşaya biləcəklərini düşünürlər, Avropaya hücum edirlər, bundan nəticə çıxmadığı üçün həm risklər artır, həm də aqressivləşirlər”.
Frananın Dənizçilik naziri Annik Jirarden də bundan əvvəl eyni təhdidləri səsləndirib.
Adaların elektrik təminatının 95%-i sualtı kabellərlə Fransadan gəlir. (hurriyyet.az)
pia.az