Türkiyənin Hərbi Hava Qüvvələri terrorçuluğa qarşı yeni “Qartal caynağı” əməliyyatı çərçivəsində İraqın şimalında PKK-nın mövqelərinə zərbələr endirməyə başlayıb...
“Report” xəbər verir ki, bu barədə Türkiyə Milli Müdafiə Nazirliyi özünün “Twitter”dəki səhifəsində məlumat paylaşıb.
"Qartal caynağı" əməliyyatı başlandı", - nazirliyin xəbərində deyilir. Türkiyənin müdafiə qurumu bildirib ki, hərbi təyyarələr PKK-çıların gizləndiyi bazalara atəş açır.
Qeyd edilir ki, İraqın şimalındakı Avaşin, Basyan, Hakurk, Sincar, Qəndil, Zap bölgələrində yerləşən terror obyektlərinə qarşı hərbi hava əməliyyatı təşkil olunub.
Nazirliyin açıqlamasında PKK terror qruplaşmasının son vaxtlar Türkiyəyə hücum təşəbbüslərinin artdığı vurğulanır.
pia.az