“Muğan Bank”ın bağlanması bank sisteminə necə təsir göstərəcək?

Bank üzrə mütəxəssis: “Muğan Bank”ın bağlanmasının bank sisteminə təsirləri belə ola bilər. Əgər Mərkəzi Bankın və digər bankların “Muğan Bank”da pulları qalıbsa, yəni “Muğan Bank”a da kredit vermişdilərsə, bu zaman onlara da təsir göstərə bilər”.

“Bütövlükdə böyüklüyündən, kiçikliyindən asılı olmayaraq hər bir bankın bağlanması bank sisteminə etimadı azaldır”.

Bu sözləri bank üzrə mütəxəssis Əkrəm Həsənov “Muğan Bank”ın bağlanmasını Poliqon-a şərh edərkən qeyd edib.

Azərbaycanın bank sistemində aktivlərin 1,4%, kredit portfelinin 2%-ə sahib olan “Muğan Bank”ın bağlanmasının bank sisteminə hansı mənfi təsirləri olacaq? Ümumiyyətlə, hazırda başqa risk daşıyan banklar varmı və “Muğan Bank”ın iflasının əsas səbələrini nədə görmək olar?

Mövzunu Poliqon-un əməkdaşı bank üzrə mütəxəssis Əkrəm Həsənov ilə müzakirə edib.

Əkrəm Həsənov: ““Muğan Bank”ın bağlanmasının ancaq orada pulları qalan sahibkarlara təsiri olacaq”.

“Muğan Bank”a da kredit vermişdirsə, bu zaman onlara da təsir göstərə biləcəyini vurğulayan mütəxəssis Poliqon-a bildirib k, yox əgər belə şey yoxdursa, “Muğan Bank”ın bağlanmasının onda bank sisteminə təsiri olmayacaq:

“Bütövlükdə böyüklüyündən, kiçikliyindən asılı olmayaraq hər bir bankın bağlanması bank sisteminə etimadı azaldır. Bu baxımdan əlbəttə ki, bankların bağlanması problemdir.

“Muğan Bank”ın bağlanmasının bank sisteminə təsirləri belə ola bilər. Əgər Mərkəzi Bankın və digər bankların “Muğan Bank”da pulları qalıbsa, yəni “Muğan Bank”a da kredit vermişdilərsə, bu zaman onlara da təsir göstərə bilər. Yox əgər belə şey yoxdursa, “Muğan Bank”ın bağlanmasının onda bank sisteminə təsiri olmayacaq.

“Muğan Bank”ın bağlanmasının ancaq orada pulları qalan sahibkarlara təsiri olacaq”.

Nəriminə UMUDLU
Poliqon.info