MAQATE ekspertləri Zaporojye Atom Elektrik Stansiyasının perimetri ətrafında minaların olduğunu bildiriblər...
Beynəlxalq Atom Enerjisi Agentliyinin (MAQATE) mütəxəssisləri Zaporojye atom elektrik stansiyasının perimetri boyunca istiqamətləndirilmiş piyada əleyhinə minalar aşkar ediblər.
Poliqon xəbər verir ki, bu barədə Agentliyin rəhbəri Rafael Qrossi məlumat verib. Onun sözlərinə görə, partlayış baş verərsə, bu minalar stansiyaya zərər verməyəcəklər.
“İyulun 23-də MAQATE ekspertləri yoxlama zamanı obyektin perimetri boyunca daxili və xarici hasarlar arasında bufer zonada yerləşən bir neçə mina görüblər. Mütəxəssislər bildiriblər ki, minalar stansiyanın əməkdaşlarının əldə edə bilməyəcəyi məhdud ərazidə olub”, deyə Agentliyin rəhbəri MAQATE-nin saytında verdiyi açıqlamada bildirib.
Mütəxəssislərin fikrincə, “bu minaların partlaması halında nüvə təhlükəsizliyinə və bütövlükdə stansiyanın təhlükəsizlik sisteminə heç bir təsir olmayacaq”. Buna baxmayaraq, bəyanatda qeyd olunur ki, minaların döşənməsi MAQATE-nin təhlükəsizlik standartlarına və nüvə təhlükəsizliyi qaydalarına uyğun gəlmir, həmçinin şəxsi heyətə əlavə psixoloji təzyiq yaradır.
Poliqon.info